Lik
skuggen av eit dyr
Bak rattet i bilen på veg heim
ein varm augustkveld
åleine langt inne på heia
haustdagen klår og fargesprakande
eller midt i folkemengda
ein hektisk ettermiddag i adventstida
når noko brått rører ved deg
berre ein kort augneblink
eit lite skjelvande sekund
du kan ikkje sjå det
men kjenner det farleg nær
overraskande dette andre som ikkje vart
men likevel kunne vore
lik skuggen av eit dyr
brått der og like brått borte
i utkanten av synsfeltet
ei glenne i skogen
den første rimpryda frostmorgonen
der du vil bera uroen med deg
lik smeltande snøflak i håret.
(2004 og
januar 2015 ny versjon)
Ingen kommentarer:
Legg inn en kommentar