Poetica:Hadde vi vore der før ? - nyttår 2015

                                Nyttår

"Ikkje teikn eller lovnad

Ikkje draum og syner

heller ikkje snøtung morgon

men det du greip taki i

det du løfta varleg opp

og bar med deg vidare."

Vi er alt eit stykke ut i 2015, til god mat og drikke les eg dikt til  vener.

Karin Boye, Kolbein Falkeid og mine eigne. Det kjennest nytt, men kanskje hadde vi

likevel vore der før ?

 

                                     Vi hadde vore der før.

"Hadde vi vore der før ?

Nei, ikkje i fjor

heller ikke for ti år sidan

minnet er ein lunfull tenar

noko er klår, noko skuggefullt

det meste fragmentert i små lause bitar

det knapt er råd å klamra seg til

svevande meteorar i tomromet

lyser opp eit par sekund

og blir så til mørkre att

lik denne kort, brå og uforståelege

pirringa av sansanse

Var det lukta av lavendel ført med vinddraget

medan barnelatter  høyrdest frå

stien på den andre sida av elva

og solljoset vart brote

i dei spreiande sirklane frå auren

som braut vassflata like ved elvebredda

den lette kjensla av handa som strauk over kinnet

lagra som teikn og kodar

i uforståelege nevronnettverk

små avtrykk i kosmos

fort borte som krusningar på vassflata

eller  ein draum i barndomsnatta

tanken som ikkje veit

det som sansane minnest

og likevel hadde vi vore der før."