Poetica: Heimreisa

Heimreisa
Då Voyager hadde nådd yttergrensa
til solsystemet
snudde ho seg ei kort stund
vendte blikket heimover
og kanskje smilte ho 
mot denne fjerne lysande prikken
som ho ein gong kom frå.

Vi stod der øverst i dalen
ein sein vinterkveld
og såg mot husa langt der nede
det var fyr i ovnen og 
det lyste varmt frå vindauga
før nokon drog for gardinene
og vi hadde bare det store ukjente
som handa grip etter
når ein vaknar midt i draumen.

Yoyager snur seg utover 
fokuserar sitt galaktiske blikk
og trur ho samlar stjernestøv 
for heimreisa.

Romsondane Yoyager I og II vart sendt opp i 1977 og passerte dei store

planetane i solsystemet før dei heldt fram ut i det enorme universet.

Det er naturlegvis inga heimreise for Yoyager!