søndag 28. juli 2019

Poetica. Birgitta


Birgitta


Juliheten ligg tungt over Roma,
når kreftene og tida tek slutt,
men du kviler lett på den harde brisken
cella di i Piazza Farnese
ikkje langt frå Campo de`Fiori – blometorget.
Oppgåvene store og mange,
få var det som fekk styrke til å bera
det du bar med rak rygg og vidope sinn.
Den siste pilegrimsreisa og du stod framom
Jerusalem – den heilage byen,
utmatta kom du attende og la deg ned
ventande på den lange vegen heim,
Ventande på den største av alle oppgåver,
kallet ditt fast og for alltid lyttande,
men aldri åleine du trufaste tenerinne.


Birgitta av Sverige ( 1303-73) døydde i Roma 23 .juli som er minnedagen hennar.


Ingen kommentarer:

Legg inn en kommentar