106 milliardar

                             106 milliardar.

Aftenposten juli 2010:106 milliardar

                  ikkje underskot på det amerikanske statsbudsjettet

heller ikkje aksjetap under finanskrisa

eller insekt i Amazonas regnskog

for ikkje å snakka om galaksar i kosmos

men  menneske 106 milliardar av dei

som ifølge ein professor i demografi

er det totale antalet som har eksistert

på jorda sidan tidas morgon

                  kvar enkelt som lever pustar elskar

blir fødd og døyr åleine eller saman

uforståeleg og umogleg å ta inn i seg

likevel når sola forlet sommarkvelden

og ein strekkjer  handa mot sine næraste

i eit kort glimt passerar dei forbi

alle dei ein skulle ha møtt

alle dei ein skulle ha tala med

men som inn i  natta forblir ukjente vener.